فاتورايز مش فكرة جاهزة نزّلناها على السوق — بنيناها وهي شغّالة فعلياً بمصنع ومحل حقيقيين، خطوة خطوة.
أوراكل وساب وأودو أنظمة قوية فعلاً، بس بنيت لتخدم كل صناعة بنفس القالب. صناعة الألبسة إلها تفاصيلها الخاصة: مقاسات وألوان وكروبات أسعار، مصنع مرتبط بفروع بيع بعملات مختلفة، وموظفين بأنظمة دوام وأجور متنوعة. حاولنا نبني نظام يفهم هالتفاصيل من الأساس، مو يحاول يتكيّف معها لاحقاً.
مصمم بالعربي، من الأساس
كايلنك شركة تقنية متخصصة ببناء أنظمة إدارية للأعمال بالمنطقة العربية. فلسفتنا بسيطة: أي ميزة بالنظام لازم تكون شغّالة بمكان حقيقي قبل ما نعتبرها جاهزة. مش عرض تقديمي، نظام بيشتغل يومياً بفواتير حقيقية.
ما في عملية بتصير بالنظام (بيع، شراء، راتب) بدون ما تنعكس صح على دفتر الأستاذ — تلقائياً، مو يدوياً.
الواجهة والتوثيق والدعم كلهم مبنيين بالعربي من الأول — مو نظام أجنبي ترجمناه.
مو كل ميزة موجودة بأوراكل لازم تكون عنا. بنركّز على يلي فعلاً بيحتاجه صاحب المصنع أو المحل.
مو نظام عام لأي شركة — مبني تحديداً لصناعة الألبسة بالمنطقة العربية.
عندك خطوط إنتاج، مواد أولية، وفروع بيع بتحتاج تجدد مخزونها منك باستمرار؟ فاتورايز بيربطك فيهم مباشرة — بدون ملفات إكسل متناثرة أو رسائل واتساب لمتابعة الطلبات.
محتاج تدير مبيعاتك ومخزونك ومحاسبتك بمكان واحد، وتطلب تجديد بضاعة من المصنع بضغطة بدل مكالمة تلفون؟ هاد بالضبط يلي صُمم فاتورايز لأجله.
كل ميزة بفاتورايز — من الفواتير للباركود للمحاسبة — انبنت وانجربت أول شي مع بايهاس، بفروعها الحقيقية بحلب. مش عميل تجريبي وهمي؛ بيانات حقيقية، فواتير حقيقية، مشاكل حقيقية حلّيناها سوا خطوة خطوة.
نحن بمرحلة توسيع الشراكات — إذا صناعتك شبه بايهاس (تصنيع أو بيع ألبسة)، حابين نسمع قصتك.
إذا عندك مصنع أو محل ألبسة وتعبت من إدارة كل شي بملفات متفرقة، تواصل معنا.
راسلنا